Nga Alba Kepi
Sot në mbledhjen e qeverisë italiane do të diskutohet një plan juridik për të bërë operative qendrat e emigrantëve në Shqipëri. Mediat italiane japin lajmin se qeveria Meloni po përgatit një tjetër draft ligj mbi qendrat e emigrantëve në Shqipëri për të transferuar kompetencën e së drejtës së shqyrtimit të kërkesave të azilantëve nga Roma në Tiranë, e për të sjellë në Shqipëri dhe ata emigrantë që qëndrojnë në kampet italiane
Plot 15 muaj nga nënshkrimi i marrëveshjes së emigrantëve mes dy vendeve, pas dështimit të 3 misioneve që sollën në Shqipëri dhe kthyen në Itali 73 emigrantë, dh pas ngërçit mes magjistraturës italiane mbi listën e vendeve të sigurta që tashmë ka mbetur nën gjykimin e drejtësisë europiane, ekzekutivi Meloni po përgatit një kundërlëvizje të fortë që synon jo vetëm ta bëjë operative sa më shpejt këtë marrëveshje dhe funksionuese kampet, por dhe për të çliruar kolapsin e sistemit të azilkërkuesve në Itali nga mbipopullimi me dërgimin e refugjatëve drejt Shqipërisë.
Pra, një draftligj që mund t’i japi Shqipërisë të drejtën juridike të kampeve në Shëngjin e Gjadër, e që deri më tani sipas marrëveshjes, është nën juriduksionin italian.
E madje sipas mediave italiane synohet të shkohet më tej duke u hiqur magjistratëve italianë kompetencën për të vendosur mbi qëndrimin ose ritadhesimin e azilantëve në Shqipëri.
Për këtë pritet të ndryshohet marrëveshja me Ramën, çka kërkon organizmin e një takimi të dytë dypalësh mes tij e Giorgia Melonit.
Pas këtyre informacioneve mediatike, reagimi i opozitës italiane ka ardhur i fortë duke akuzuar qeverinë se “ka krijuar një pastiçe nga e cila nuk dalin dot më”.
Marrë nga Syri.net
