Vjena është shpallur qyteti më i mirë në botë për të jetuar, për të tretin vit radhazi në vitin 2024 nga “The Economist”.
Përveç Vjenës në pozicionin e sondazhit, tri qytete të tjera evropiane u renditën në “top-10” në një vit kur paqëndrueshmëria globale dhe kostoja e jetesës u rritën ndjeshëm.
Pjesa më e madhe e “top 10”-shes së këtij viti mbetet kryesisht e pandryshuar nga viti 2023.
Një ndryshim i dukshëm është dominimi i qyteteve të Evropës Perëndimore në veçanti, duke zënë 3 vendet e para dhe duke pasur katër vende në total në krye të tabelës.
Si është renditja?
Renditja e përgjithshme e secilit qytet finalizohet me mesataren e rezultateve nga 100 në pesë kategori të ndryshme: stabilitet, kulturë dhe mjedis, arsim, kujdes shëndetësor dhe infrastrukturë.
Pas Vjenës, renditet Kopenhaga e Danimarkës, Zyrihu i Zvicrës, Melburni në Australi, Calgary në Kanada, Sydney në Australi, Gjeneva në Zvicër, Vankuver në Kanada, Osaka në Japoni, Aucklandi në Zelandën e Re.
