Situata mbetet e tensionuar pranë bazës së EULEX-it në Fushë Kosovë, ku është rritur numri i protestuesve të mbledhur pas vendimit të Dhomave të Specializuara lidhur me katër ish-krerët e Ushtrisë Çlirimtare të Kosovës.
Sipas pamjeve të publikuara nga vendi i ngjarjes, protestuesit kanë hedhur gurë dhe mjete të forta në drejtim të objektit të EULEX-it. Si pasojë, janë thyer disa xhama, ndërsa është dëmtuar edhe rrethoja e jashtme e bazës.
Mediat në Kosovë raportojnë se zyrat e EULEX-it aktualisht janë bosh dhe se stafi është udhëzuar të punojë nga shtëpia. Deri tani, nga informacione lidhur me shoqërimin e ndonjë protestuesi nga policia e Kosovës.
Protesta vijon në një klimë të tensionuar pas vendimit të Dhomave të Specializuara për katër ish-krerët e UÇK-së, ndërsa situata pranë bazës së EULEX-it vijon të monitorohet nga forcat e rendit.
Kujtojmë se ditën e sotme, Dhoma e Specializuar në Hagë, dënoi me 81 vite burgim katër ish-krerët e Ushtrisë Çlirimtare të Kosovës. Sipas vendimit të shkallës së parë, Hashim Thaçi dhe Jakup Krasniqi u dënuan me nga 25 vite burgim, Kadri Veseli me 18 vite dhe Rexhep Selimi me 13 vite.
Marrë nga Kosovapress.com
