Nga 1 janari 2027, punonjësit e Policisë së Shtetit pritet të përfitojnë rritje pagash, me diferenca sipas kategorive dhe gradave. Sipas burimeve, punonjësit e rolit bazë do të përfitojnë 20 mijë lekë të reja shtesë, ndërsa efektivët me grada më të larta do të kenë një rritje prej 15 mijë lekësh të reja, deri te drejtuesit madhorë.
Kjo masë konsiderohet si rritja më e madhe e pagave e realizuar deri më tani për punonjësit e Policisë së Shtetit. Kryeministri Edi Rama dhe ministri i Brendshëm, Ervin Demo, e kanë cilësuar më herët rritjen si një mbështetje të konsiderueshme për efektivët që shërbejnë në ruajtjen e rendit dhe sigurisë publike.
Njoftimi vjen në një periudhë kur Policia e Shtetit është përballur me angazhim të shtuar për menaxhimin e protestave të zhvilluara ditët e fundit në vend. Ndërkohë, pak ditë më parë, qeveria njoftoi edhe dhënien e një shpërblimi financiar për punonjësit e Policisë së Shtetit, në vlerësim të angazhimit të tyre gjatë situatave të krijuara nga protestat. Rritja e pagave, e parashikuar të nisë në fillim të vitit të ardhshëm, synon të përfshijë të gjitha kategoritë e efektivëve, nga punonjësit e rolit bazë deri te drejtuesit me gradat më të larta.
Marrë nga Dosja.al
