Një operacion i përbashkët midis Drejtorisë Antimafia të Distriktit të Barit dhe Zyrës së Prokurorit të Posaçëm të Tiranës për Antikorrupsionin dhe Krimin e Organizuar është bërë për vrasjen e Francesco Diviesti-t, trupi i të cilit u gjet gjysmë i djegur në fshat midis Canosa-s dhe Minervino Murge-s katër ditë më vonë.
Pas një hetimi për vrasje të rënduar me metoda mafioze, Drejtoria Antimafia e Distriktit të Barit kërkoi 15 masa paraprake nga Gjykata.
Mësohet se janë firmosur 15 urdhra ndalimi, 11 prej tyre me masë arresti me burg, 1 ‘arrest shtëpie’ dhe 3 detyrim me paraqitje.
Masa e sigurisë i është komunikuar në Itali kreut të grupit kriminal Igli Kamberit, i arrestuar në Korrik 2025 vrasjen e Diviesti-t.
Në Shqipëri është arrestuar Ergys Kastrati alias Bishja, i cili prej 2 vitesh është shpallur në kërkim ndërkombëtar nga autoritetet italiane, gruaja e tij Desmira Ceco dhe 2 shoferë.
Këta persona bënin transportin e parave të pista nga Italia në Shqipëri, me anë të mënyrave të ndryshme udhëtimi.
Në vitin 2024 këtijngrupi i janë sekuestruar në Muriqan rreth 700 mijë euro, të cilat po silleshin nga Italia me një makinë.
SPAK ka urdhëruar dhe sekuestrimin e pasurive të luajtshme e të paluajtshme të familjarëve e bashkëpunëtorëve të Igli Kamberit dhe Ergys Kastratit.
Në total pritet që të vendoset sekuestro për 8 automjete, 10 llogari bankare dhe 4 shoqëri tregtare dhe 680.595 euro cash.
Marrë nga Dosja.al
