Struktura e Posaçme ka kërkuar pushimin e hetimeve për 6 episode të shpërdorimit të detyrës për ish-kryebashkiaku i Kavajës Elvis Roshi për shkak të parashkrimit të veprës penale.
Hetimet nisën pas një kallëzimi të KLSH-së të vitit 2015, ku Roshi dhe 10 zyrtarë të tjerë akuzohen se i kanë shkaktuar shtetit një dëm prej 33 milionë lekësh përmes parregullsive në tenderat e rikonstruksionit të qytetit. Çështja ndodhet aktualisht në seancë paraprake, ndërsa procesi pritet të vijojë me seancën e radhës më 28 prill.
GJKKO me një vendim të datës 28 mars 2024, urdhëroi që dosja e ish-kryebashkiakut të Kavajës, i akuzuar për shpërdorim detyre, t’i kalonte Prokurorisë së Posaçme. GJKKO ka shpallur të pavlefshëm vendimin e Gjykatës së Durrësit për pushimin e procedimit penal ndaj ish-kryebashkiakut të PS. Një vit më parë Prokuroria e Durrësit kërkoi pushimin e hetimeve ndaj ish-kryebashkiakut të Kavajës, por Gjykata e Posaçme vendosi që çështja t’i kalojë SPAK.
Marrë nga Dosja.al
