Tregu i asgjesimit të mbetjeve spitalore mori kthesë tjeër në momentin që në “treg”u fut një oligark, Klodjan Allajbeu i Spitalit Amerikan. Biznesmeni beratas ka çështje të hapur në SPAK, ndërkohë që Kosova ka avancuar me hetimet.
Fitoi tenderin e majmë nga QSUT-ja, tendera të tjerë në Fier dhe në disa spitale rajonalë dhe lokalë. Madje, bashkëpunoi në një rast edhe me firmën konkurente Vale për një procedurë.
Por, si i fiton këto para?
Në këto radhë, VoxNews do të publikojë dokumentet e një tenderi për asgjesimin e mbetjeve te Materniteti “Koço Glozheni”. Një procedurë normale tenderimi, por zyrtarët ia kanë dhënë fitoren pavarësisht se ECO e Allajbeut kishte ofertën më të lartë!
Sipas dokumenteve, në datën 27 maj 2025, firma ECO është shpallur fituese e një tenderi. Bëhet fjalë për tenderin me objekt “shërbimi i eleminimit të mbetjeve të rrezikshme spitalore në Spitalin Universitar Obstetrik Gjinekologjik ‘Koço Gliozheni’, Tiranë, me fond limit 31,689,705 lekë, pa TVSH”, me afat 36 muaj nga nënshkrimi i marrëveshjes kuadër.
në tender ishin vendosur edhe kriteret e përzgjedhjes së fituesit. “Oferta ekonomikisht më e favorshme, bazuar në kosto” ishte kriteri.
Ofertën më të ulët e kishte “MEDI -TEL” me vlerë 23,790,000 lekë. Kjo firmë mori vetëm 210 pikë nga “mësuesit” e tenderëve.
Ndërkohë, “ECO RICIKLIM” i Klodjan Allajbeut ofroi 28,470,000 lekë pa TVSH, dukshëm më lartë sesa oferta e parë. Por, “mësuesi” i dhanë në provim plot 264.30 pikë. Nëse do të bëjmë një krahasim, oferta e ECO ishte rreth 50 mijë euro më e lartë dhe pavarësisht kësaj u shpall edhe fituese!
Një skemë e përdorur rëndom edhe në tenderët e tjerë të mbetjeve, që tashmë ka filluar t’i fitojë në masë Klodjan Allajbeu.
Pak ditë më parë, VoxNews publikoi dokumentet e një tenderi që shpalli Senaoriumi për asgjesimin e mbetjeve spitalore. Çuditërisht, fitues doli bashkimi i operatorëve ekonomikë “V.A.L.E RECYCLING” me adresë në Fushë Kuqe, Kurbin, dhe “ECO RICIKLIM” me adresë në zonën e Metalurgjisë në Elbasan, me një vlerë prej 115 milionë lekësh, ose rreth 1.2 milionë euro.
Këo dy firma kanë qenë “armike” me njëra-tjetrën, por tashmë bashkëpunojnë në këtë treg, ku ECO po u lë disa thërrime firmave të tjera.
VoxNews ka publikuar edhe një investigim sesi biznesmeni Klodjan Allajbeu, që ka dosje në organet ligjzbatuese në Shqipëri dhe Kosovë, bleu për 60 mijë euro aksionet e Arbër Teqjas te Eco Rciklim dhe pas transaksionit fitoi tenderin 1.7 mln euro nga QSUT.
Marrë nga VoxNews.al
