Një person u vra dhe 69 të tjerë u plagosën në një tërmet me magnitudë 5.8 që ndodhi herët këtë mëngjes pranë Marmaris, një vendpushim në Turqinë jugperëndimore.
Epiqendra e tërmetit ishte në det, pranë Marmaris, në një thellësi prej 68 kilometrash.
Ministri i Brendshëm Ali Jereklija tha se, një vajzë 14-vjeçare u dërgua në spital për shkak të një ataku paniku, por pavarësisht ndërhyrjes së mjekëve, ajo vdiq.
Ai tha se 69 persona u plagosën të cilët u hodhën nga banesat e tyre në panik dhe se në provincën e Muglas ku ndodhet Marmaris, sipas hetimeve të para, nuk u shkatërrua asnjë ndërtesë banimi.
” Ekipet tona të vlerësimit të dëmeve po vazhdojnë operacionet e tyre të inspektimit në terren. Deri më tani nuk është vërejtur asnjë shkatërrim “, konfirmoi Ministri i Ndërtimit, Murat Kurum.
Një numër vendpushimesh, përfshirë Marmaris, Fethiye dhe Bodrum, ndodhen në provincën Mugla, e cila priti 3.7 milionë turistë të huaj në vitin 2024, sipas agjencisë shtetërore të lajmeve Anadolli.
Marrë nga 021.rs
