Bledi Shkëmbi debuton me fitore në përvojën e tij të dytë në krye të Tiranës. Bardheblutë kanë mposhtur Bylisin në transfertë duke u rikthyer te suksesi që u mungonte pikërisht prej sfidës së fundit me ata në kampionat. Kryeqytetasit triumfuan me rezultatin 0-3 dhe morën 3 pikë të rëndësishme në garën për mbijetesë.
Ballshiotët ishin të pafuqishëm që në pjesën a parë, teksa Ernest zhbllokoi takimin në minutën e 37-të. Në pjesën e dytë ishte Ndreca që dyfishoi pas një skeme perfekte nga goditja e dënimit.
Më pas pasuan dy kartonë të kuq. Fillimisht për Tiranën, pasi rasti i Ernest përfundoi te VAR. Disa minuta më vonë ishte Ofori, që u largua nga Bylisi. Kështu skuadrat mbetën me nga 10 lojtarë. Në minutën e shtatë shtesë, Rafa Silva, i afruar në janar te Tirana, realizoi golin e tretë që vulosi rezultatin përfundimar 0-3.
Në përfundim të kësaj ndeshjeje, Tirana ka 21 pikë në vendin e tetë. Bylisi mbetet me 24 pikë. Aktualisht ballshiotët renditem të gjashtët.
