Partizani shmang në kohën shtesë humbjen në derbin e kryeqytetit ndaj Dinamos (1-1) dhe ruan kreun e klasifikimit me 38 pikë, aq sa ka grumbulluar edhe skuadra e Ilir Dajës, me të kuqtë që kanë golaverazhin më të mirë.
Në ‘Arenën e Demave’ Dinamo ishte shumë pranë fitores falë golit të shënuat nga Peter Itodo në minutën e 52-të, por pikërisht në kohën shtesë, më saktësisht në minutën e 92-të, Bintsouka barazoi rezultatit, duke bërë të shpëthente stoli i kuq.
Ndërkohë në ndeshjen e luajtur në Korçë mes Skënderbeut dhe Teutës vendësit fituan me përmbysje 2-1, duke e bërë edhe më të ethshme garën e mbijetesës, me plot pesë skuadra që garojnë për të mos rënë nga kategoria.
Ndëshkimi me karton të kuq i autorit të golit të barazimit, Charles, dha përshtypjen se loja në vazhdim do të fliste për Teutën, por dy kartonë të verdhë të Karabecit barazuan forcat në fushë.
Në minutën e 80-të, Rashica shënoi golin e fitores për Skënderbeun që me këtë fitore rrit shpresat për qëndrimin në Superiore, edhe pse i duhet ende shumë punë për këtë objektiv.
Rezultati i ndeshjes së nesërme Vllaznia – Egnatia mund të përmbysë rezultatin. Skuadra që fiton këtë takim, ngjitet automatikisht në vendin e parë. Nëse përfundon pa fitues, mbetet në krye Partizani.
