Prokuroria e Posaçme ka ndërmarrë një aksion në Durrës mbrëmjen e kaluar dhe ditën e sotme.
Mësohet se nga operacioni, është kontrolluar banesa e Aleksandër Lahos, i njohur si ‘Rrumi i Shijakut’.
Por në banesë nuk është gjetur vendodhja e Lahos dhe është arrestuar vëllai i tij.
Vullnet Muça, njihet si person problematik në zonën e Durrësit, pasi vetëm disa ditë më parë ishte shoqëruar në polici pasi kërcënoi drejtorin e spitalit Durrës.
Pas arrestimit të Muçës, në pranga është vënë dhe vëllai i deputetit socialist Loer Kume, Enea Kume.
SPAK ka lëshuar urdhër arresti dhe për kreun e grupit Avdylaj në Durrës, Astrit Avdylajn dhe nipin e tij, Aldo Avdylaj.
Aldo dyshohet se ka qenë ekzekutori në një ngjarje kriminale, por ende nuk dihet se cili është personi i vrarë.
Dyshohet se operacioni i SPAK në Durrës ëstë ndërmarrë për tjetërsim pronash në Gjirin e Lalzit si dhe për vrasje.
Marrë nga Dosja.al
