Një zjarr i qëllimshëm ka përfshirë në orët e para të mëngjesit një mobilieri në lagjen “28 Nëntori”.
Autori, më pas, është larguar me shpejtësi nga vendngjarja.
Në vend kanë mbërritur forcat zjarrfikëse, të cilat kanë bërë të mundur shuarjen e flakëve, megjithatë dëmet materiale janë të konsiderueshme.
Policia ka rrethuar zonën dhe ka nisur hetimet për identifikimin dhe kapjen e autorit. Pamjet e kamerave të sigurisë janë sekuestruar si provë materiale.
Vetë pronari i mobilierisë, Eduart Aliko, në një prononcim për mediat është shprehur se nuk ka konflikte personale dhe se është një njeri paqësor.
“Nuk kam asnjë konflikt me askënd. As me konkurrencën nuk besoj të kem probleme. Ia lë drejtësisë ta zbardhë këtë ngjarje dhe të kapë autorin”, është shprehur Aliko.
Kjo është e dyta herë që i vendosin zjarr në mobilierinë e tij, dëmi kësaj radhe ka qenë 3 milion lekë të reja, herën e parë 5 milion lekë të reja.
Marrë nga TCH
