UEFA, ka zbuluar arbitrat që do të vendosin drejtësi në dy ndeshjet gjysmëfinale të Europianit.
Sfida mes Spanjës dhe Francës, e planifikuar të luhet të martën e 9 korrikut, do të gjykohet nga një trupë sllovene. Arbitër kryesor, do të jetë një emër i njohur, si Slavko Vincic.
44-vjeçari, me një eksperiencë të madhe në ndeshje të rëndësishme, tashmë do të ketë një detyrë të vështirë.
Ndihmës të Vincic, do të jenë bashkëkombësit e tij, Tomaz Klançnik dhe Andraz Kovacic. Në VAR, për këtë përballje do të jetë Nejc Kajtazovic.
Në sfidën tjetër, atë mes Holandës dhe Anglisë, drejtësia do të vendoset nga arbitrat gjermanë. Kryesor është zgjedhur Felix Zwajer, një emër i njohur për shqiptarët. Ky gjyqtar ishte edhe në ndeshjen e parë të Shqipërisë në Europian, ku kuqezinjtë u mposhtën 2-1 nga Italia.
43-vjeçari, do të ndihmohet në fushë, nga dy bashkëkombësit e tij, Stafan Lup dhe Marko Achmuller.
Edhe VAR-i, i është besuar një gjermani, Bastian Dankert. Ndeshja Holandë-Angli, është planifikuar të zhvillohet të mërkurën e 10 korrikut.
