Shtatë herë kampioni i botës, Lewis Hamilton, i bashkohet ekipit të Ferrarit.
Ai e ka zyrtarizuar “martesën” me skuderinë e kuqe me një foto ikonike, ku shfaqet përpara një Ferrari F40 në Veri të Italisë. Pas 12 sezonesh Lewis Hamilton mbërrin në Maranello, ku thotë se po realizon ëndrrën e tij duke nisur një epokë të re.
“Ka disa ditë që ju e dini se do t’i mbani mend përgjithmonë dhe sot është një prej atyre ditëve, e para si pilot i Ferrarit”, shkruan Hamilton në Instagram. “Kam qenë mjaft me fat që kam arritur gjëra në karrierën time që nuk i kisha menduar kurrë të mundshme, por një pjesë e imja e ka mbajtur gjithmonë atë ëndërr për të garuar me ‘të kuqtë’. Nuk mund të isha më i lumtur ta realizoja atë ëndërr sot”, tha ai.
Piloti theksoi: “Sot ne fillojmë një epokë të re në historinë e këtij ekipi ikonë dhe mezi pres të shoh historinë do të shkruajmë së bashku.”
