Një tjetër fitore për Napolin, pas fitoreve ndaj Anaune dhe Mantovas. Edhe Egnatia përfundoi nën goditjet e skuadrës së Contes në miqësoren e zhvilluar në Castel di Sangro, Itali.
‘Të kaltrit’ kaluan në avantazh me dy gola në çdo pjesë, duke kaluar në avantazh me anë të Kvaratskhelia (21’) dhe Politanos (29’) dhe mbyllur pjesën e parë në epërsi 2-0. Conte revolucionoi njëmbëdhjetëshen në pjesën e dytë, ku shënuan edhe Simeone (51’) e Ngonge (68’).
Skuadra e Egnatias, në këtë miqësore nuk ishte në gjendje ta përballonte apo ta rrezikonte Napolin. Gjithsesi, pas ndeshjes ndaj Interit sezonin e kaluar, ky ishte investim përvoje për skuadrën e Egnatias.
Të enjten, skuadra rrogozhinase do të përballet në Loro Boriçi me islandezët e Vikingur në ndeshjen e kthimit në Conference League, ndërkohë që të transfertëç kanë fituar 1-0.
Skuadra shqiptare zuri vendin e Adana Demirspor, kundërshtarja e përcaktuar fillimisht për të sfiduar Napolin: turqit u desh të tërhiqeshin për çështje burokratike, duke i lënë hapësirë Egnatias.
Një tjetër përjashtim për Victor Osimhen, i cili nuk u thirr nga Conte: Nigeriani mbetet në qendër të merkatos për transferimin e tij te PSG , pavarësisht se nuk ka arritur ende një marrëveshje me Napolin.
Zëvendësuesi i tij mund të jetë Romelu Lukaku, sulmuesi i Contes, i cili pati mundësinë ta stërvitte atë me sukses të jashtëzakonshëm gjatë periudhës së tij dyvjeçare në Inter.
