Egnatia do të sfidojë kampionët e Islandës, Breidablik, në turin e parë kualifikues të Ligës së Kampioneve. Një short deri-diku i pranueshëm për kampionët e vendit, duke marrë parasysh se ishin në vazon e jofavoritëve dhe rreziku për të “peshkuar” një kundërshtar edhe më të vështirë, ishte i lartë.
Kampionët e Shqipërisë do ta presin takimin e parë në shtëpi, më 8 ose 9 korrik, ndërsa ndeshja e kthimit do të luhet më 15 ose 16 korrik. Në rast se Egnatia kalon në turin e dytë të Championsit kampionët rrogozhinas do të sfidojnë polakët e Lech Poznan, një kundërshtar ky tepër i vështirë për skuadrën e Edlir Tetovës.
Marrë nga Balkanweb.com
