Lojërat e 33-ta Olimpike Verore në Paris u hapën me një ceremoni spektakolare të premten.
Më shumë se dhjetë mijë e pesëqind sportistë erdhën në garë, dhe mes tyre ka shumë yje që fitojnë shifra përrallore nga pagat, shpërblimet dhe çmimet.
Portali Sportico ka veçuar 20 sportistët më të paguar dhe që të gjithë, natyrisht, janë emra të njohur.
Lider në listë është lojtari spanjoll i golfit Jon Rahm, të ardhurat totale vjetore të të cilit janë rreth 210 milionë dollarë.
Katër pozitat e radhës zënë basketbollistët e NBA-së – LeBron James, Stephen Curry, Giannis Antetokounmpo dhe Kevin Durant dhe fitojnë përkatësisht 128, 102, 101 dhe 90 milionë dollarë.
