Mijëra demonstrues dolën të dielën në rrugët e pikave turistike në Ishujt Kanarie në Spanjë për të kërkuar ndryshimin e modelit të turizmit masiv, i cili sipas tyre ka pushtuar arkipelagun e Oqeanit Atlantik.
Të mbledhur nën sloganin “Ishujt Kanarie kanë një kufi”, demonstruesit marshuan në pikat e nxehta turistike të shtatë ishujve kryesorë të arkipelagut, për të kërkuar një kufizim në numrin e vizitorëve dhe frenim të zhvillimit që ata e konsiderojnë të pakontrolluar.
Sipas zyrtarëve lokalë rreth 6,500 njerëz demonstruan në Tenerife, 5,000 në ishullin Gran Canaria dhe rreth 1,500 në Lanzarote.
Protestuesit mbanin pankarta ku shkruhej ” Ishujt Kanarie nuk janë në shitje” dhe “Mjaft është mjaft”.
