Ish-ministri i Shëndetësisë, Ilir Beqaj ka reaguar për atë çfarë ndodhi dy me radhë në Komisionit Hetimor për Shëndetësinë. Beqaj i cili qëndroi deri në orën 02:20 të mëngjesit të sotëm në pritje për të dëshmuar, ka reaguar nga qelia duke thënë se për dy ditë më radhë është përballur me fyerje dhe tallje teksa priste të dëshmonte.
Në reagimin e ish-ministri Beqaj mohon të ketë kërcënuar deputetetët e opozitës, konkretisht deputeten Ina Zhupa, teksa thekson se pa çka se është i paraburgosur nuk do të lejojë që të nëpërkëmbet dinjiteti i tij.
“Sipas Kodit te Procedures Penale edhe per nje paraburgosur ne rast marrje ne pyetje apo procesi gjyqesor qendrimi nuk varet nga orari i lejes por kohezgjatja e seances perkatese. Kam hyre ne sallen e mbledhjes vetem nje hap nga dera dhe kam shprehur haptazi revolten time per talljen deri ne kufijte e tortures qe behej prej me shume se 14 oresh. Nuk kam kercenuar apo fyer askend.
I kam treguar i revoltuar deputetes Zhupa se jam aty ne pritje prej ores 10.30. Edhe nese jam i paraburgosur nuk pranoj te me fyejne dhe te me marrin neper kembe. Kete e refuzoj, e kundershtoj dhe do te vazhdoj ta kundershtoj. Ne 8 muaj hetime te komisionit, te gjithe deshmitaret kane provuar qe dy koncensionet objekt hetimi jane histori suksesi. Deshtimin politik deputetet e opozites nuk i lejoj ta percjellin ne neperkembje te dinjitetit tim”, thotë Beqaj në reagimin e tij përcjellë nga avokati.
Komisioni Hetimor i Shëndetësisë zgjati deri në orët e para të mëngjesit të sotëm, ku debatet mes deputetëve të opozitën dhe mazhorancës vijuan pa ndalim.
Në një moment të mbledhjes Ilir Beqaj i cili prej orësh ishte duke pritur në korridoret e Kuvendit për të dëshmuar u fut në sallë dhe debatoi me demokratët, kryesisht me Ina Zhupën. Kjo e fundit iu drejtua Beqajt duke i thënë që “Kush je ti që na kërcënon”, ndërkohë kryetarja e këtij Komisionit, Albana Vokshi kërkoi që Beqaj të dërgohej në qeli.
