Asambleja e Përgjithshme e Kombeve të Bashkuara miratoi, me propozimin e Kanadasë, një rezolutë për shkeljen e pretenduar të të drejtave të njeriut në Iran, pasi 80 vende anëtare e mbështetën propozimin, 27 ishin kundër, ndërsa 68 abstenuan.
Zahra Ershadi, zëvendës përfaqësuesja e përhershme e Iranit në Kombet e Bashkuara, tha në seancën e Asamblesë së Përgjithshme të OKB-së të martën se vendi e kundërshtoi edhe një herë rezolutën, të cilën ajo e quajti “të njëanshme dhe të padrejtë” dhe të motivuar politikisht, raportoi agjencia iraniane Irna.
Më 14 nëntor, Ershadi kritikoi gjithashtu rezolutën e miratuar më parë nga Komiteti i Tretë i Asamblesë së Përgjithshme të OKB-së, duke deklaruar se vënia në pikëpyetje e të drejtave të njeriut në Iran tregon standardet e dyfishta të Perëndimit.
Ajo tha se Kanadaja po pengonte proceset demokratike të Iranit duke refuzuar të lejojë qytetarët iranianë në diasporë të votojnë, kështu që shumë iranianë që jetonin në Kanada po shkonin në vendet fqinje për të votuar.
Ershadi dënoi gjithashtu sponsorët e rezolutës Kanadanë, SHBA, Britaninë e Madhe dhe Gjermaninë – për mbështetjen e asaj që ajo i quajti “krimet e tmerrshme të kryera nga regjimi izraelit” në Rripin e Gazës.
Marrë nga Gazetadita.al
