Bledar Maliqi, njohës i politikave të emigracionit dhe Jola Bejkollari, anëtare e kryesisë në emër të Diaspora për Shqipërinë e Lirë kanë folur lidhur me procesin e regjistrimit të votës së emigrantëve për zgjedhjet e 11 majit dhe problemet e hasura deri tani.
Maliqi thotë se probleme te shfaqura, evidente dhe ne rrjetet sociale se titullarë dhe krerë të shtetit bien ndesh me ligjin dhe këtë e promovojnë vazhdimisht.
Në videon e ndarë në Facebook nga Diaspora për Shqipërinë e Lirë shihet kreu i grupit të PS, Niko Peleshi duke vëzhguar nga afër regjistrimin e qytetarëve për zgjedhjet e ardhshme. Në postim thuhet se proçesi i regjistrimit për zgjedhjet e ardhshme përmes Platformës Elektronike të Regjistrimit (PER) ka nxjerrë në pah ehde nevojën për një vëmendje të shtuar ndaj mënyrës se si trajtohen të dhënat personale.
Më tej thuhet se çdo veprim që përfshin grumbullimin e të dhënave jashtë procedurave të përcaktuara rrezikon integritetin e procesit zgjedhor dhe të drejtat e individëve për privatësi.
POSTIMI I PLOTË:
Bledar Milaqi dhe Jola Bejkollari në një intervistë me A2, ku u diskutua rreth procesit të Votës se Diapsorës dhe problematikave të shfaqura deri me tani.
Përfaqësuesit përmendën probleme te shfaqura, evidente dhe ne rrjetet sociale si: “Mbrotja e të dhënave nga procesi i regjistrimit të votuesve nga Diaspora”,gjithashtu dhe impakti që priten të sjellin këto zgjedhje.
Mbrojtja e të dhënave personale, e rregulluar nga GDPR (General Data Protection Regulation) dhe aktet normative të legjislacionit shqiptar, janë thelbësore për çdo proces zgjedhor. Sigurisht do ta konsideronim shumë të rëndësishme veçanërisht për regjistrimin e votuesve nga diaspora në këto ditë.
Proçesi i regjistrimit për zgjedhjet e ardhshme përmes Platformës Elektronike të Regjistrimit (PER) ka nxjerrë në pah nevojën për një vëmendje të shtuar ndaj mënyrës se si trajtohen të dhënat personale. Pamjet bashkangjitur flasin qartë.
Aktet normative të procesit zgjodhor, e specifikisht proçesit të Votës së Diapsorës, si dhe rregulloret ndërkombëtare kërkojnë që të dhënat personale të trajtohen me konfidencialitet dhe vetëm të aksesohen për qëllime të autorizuara (Votimin), ku institucioni përkatës është KQZ.
Çdo veprim që përfshin grumbullimin e të dhënave jashtë procedurave të përcaktuara rrezikon integritetin e procesit zgjedhor dhe të drejtat e individëve për privatësi.
Rreziqet për individët gjatë regjistrimit janë të shumta, duke përfshirë vjedhjen e identitetit dhe sulmet kibernetike. Prandaj, është e rëndësishme që çdo individ të regjistrohet vetë dhe të shmangë ndihmën nga palë të paautorizuara. Stafi në KQZ, që trajton të dhënat duhet të respektojë rregullat e konfidencialitetit dhe të sigurisë.
Apeli për qytetarët është i qartë: Ndiqni vetëm udhëzimet zyrtare të KQZ-së dhe raportoni çdo rast të dyshimtë. Roli ynë si qytetarë është të mbrojmë të drejtat tona dhe të sigurojmë një proces zgjedhor të drejtë dhe transparent.
Për më shumë detaje, ju lutem referojuni dokumenteve zyrtare të KQZ-së dhe akteve normative përkatëse.
Diaspora për Shqipërinë e Lirë ka punuar gjatë gjithë këtyre viteve në formë shumë konstruktive për ta realizuar këtë të drejtë të mohuar dhe sërisht qasemi për të mbrojtur gjithë këtë punë të jashtëzakonshme nga aktorë të ndryshëm, përfshirë organizata, individë që janë angazhuar me këshillat e tyre shumë konstruktive.
Do të kërkonim vëmendjen e aktorëve për monitorim të procesit.
I bëjmë thirrje Komisionit Qëndror të Zgjedhjeve, si dhe misionit të OSBE për të evidentuar dhe marrë masa.
Marrë nga Dosja.al
