Presidenti i SHBA-së, Donald Trump thotë se ai “nuk ka besim” se marrëveshja e armëpushimit të Gazës do të zbatohet.
Duke iu përgjigjur pyetjeve të një gazetari, Trump tha: “Kjo nuk është lufta jonë, është lufta e tyre. Por unë nuk kam besim”.
Megjithatë, ai shton se Hamasi ishte “dobësuar” duke shtuar se Gaza dukej si një “vend shkatërrimi masiv”.
Presidenti Donald Trump dhe Zëvendëspresidenti JD Vance janë betuar në një atmosferë luksoze në Uashington, që vazhdoi deri në orët e para të së martës.
Trump më parë nënshkroi një sërë veprimesh ekzekutive, duke përfshirë fillimin e procesit të tërheqjes së SHBA nga Organizata Botërore e Shëndetësisë dhe shpalljen e një emergjence kombëtare në kufirin jugor.
Marrë nga Reuters
