Sali Berisha, një konferencë të improvizuar për mediat jashtë ambienteve të SPAK pasi u paraqit për zbatimin e masës, deklaroi se nëse do të vijë në pushtet, këtë institucion do ta shkrijë.
Duke folur për gazetarët, Berisha tha se “absolutisht ky institucion nuk do të ekzistojë, një institucion që është jashtë çdo kontrolli është institucion për t’u shuar me çdo kusht”, tha ai.
“Ky institucion nuk mund të kontrollonte kurrë gjykatësit, në momentin që kontrollon telefonat e gjykatësve special ke krijuar atë drejtësi që as Enveri dhe Hilteri se kanë pasur. Si mund t’i japësh prokurorit kontrollin e gjykatësve tek i cili çon dosjen merre fund që këtu”, tha ai.
“Natyrisht sot u mjaftova me këtë, dhe pastaj, dëgjojeni pastaj se është e bukur, Edi Rama bërtet: Altin, po del sekreti. Shiko, edhe Altini lëshon komunikata.
Por u them unë atyre, për këto Altin dhe Edi do shkoni atje ku e keni vendin se nuk ka gjë në botë që të më imponojë mua të mos denoncoj krimin para shqiptarëve që mbroni ju. Asgjë në botë nuk më detyron mua…
Dhe ftoj shqiptarët, çdo dokument të bashkëpunimit të krimit me cilindo, ta dërgojë në adresën time me të gjitha mënyrat që unë t’i bëj publike. Pra, se edhe ky Targeti u bë si punë personi. Por do pyes se kush është. Tani, se kjo këtu duhet t’u lëmë edhe gazetarëve kohën që të komunikojnë se e kemi si konferencë shtypi”, tha ai ndër të tjera.
Marrë nga Faktor.al
