Mediat gjermane kanë zbuluar detaje të reja nga atentati me αrmë që ndodhi përpara gjykatës rajonale në Bielefeld të Gjermanisë. Dy persona që lëviznin me një makinë hapën zjαrr duke lënë dy të plαgosur, njëri prej të cilëve ndodhet në gjendje të rëndë në spital.
Dëshmitarët okularë raportuan sot se disa njerëz ishin shtrirë në tokë pasi të shtënat rrezikuan edhe jetën e kalimtarëve të rastit. Vëllai i të pandehurit ka marrë një plagë në këmbë.
Ndërsa babai është në gjendje kritike pasi thuhet se ka marrë një plumb në mushkëri. Disa media raportojnë se i lënduar ka mbetur edhe një person i tretë, por kjo nuk është konfirmuar ende.
Në vendin e ngjarjes shkuan forca të shumta të policisë ndërsa e gjithë zona është rrethuar. Sipas të njëjtave burime, njëri nga autorët është arrestuar tashmë ndërsa tjetri dyshohet se gjendet në një ndërtesë pranë gjykatës.
Një helikopter policie është parë të qarkullojë mbi zonë. Autoritetet kanë shpallur gjendjen e alarmit duke evakuuar edhe një shkollë që gjendet në zonë. Hüseyin Akkurt akuzohet se i zuri pritë Besar Nimanit së bashku me Ayman Dawoud Kirit, 33 vjeç, më 9 mars të vitit të kaluar rreth orës 18:00 në qytetin Bielefeld.
Marrë nga Lapsi.al
