Rusia është e inatosur me faktin, se si ka mundësi që armët serbe kanë përfunduar në Ukrainë. Këtë e konfirmojnë mediat e Beogradit, të cilat bëjnë të ditur, se Presidenti Aleksander Vuçiç ka tentuar tre herë të komunikojë me Vladimir Putin, por ky i fundit nuk ia ka hapur telefonin.
Një burim nga kreu i qeverisë ka thënë se zv.ministri i jashtëm rus, Aleksander Grushko, që vizitoi së fundmi Beogradin, ka anuluar detyrimet e dakorduara më parë duke ngritur pyetjen se si ka mundësi që armët serbe përfundojnë në frontin ukrainas.
Ndërkohë presidenti serb Vuçiç reagoi lidhur me shkrimin në median serbe duke thënë e marrëdhëniet me Moskën janë të mira.
Në një postim në Instagram, Vuçiç ka deklaruar gjithashtu se ka “marrëdhënie shumë të drejta me Rusinë”.
“Sa herë që Presidenti Putin shprehte dëshirën për të biseduar dhe takuar njeri-tjetrin, përgjigja ime ishte pozitive, sa herë që shpreha dëshirën për të folur me presidentin Putin, përgjigja e tij ishte pozitive”, ka shkruar Vuçiç.
