Reperja amerikane Doechii pritet të nderohet me çmimin kryesor ‘Gruaja e Vitit 2025’ në eventin vjetor Billboard Women in Music. Këngëtarja dhe tekstshkruesja karizmatike, e cila në vitin 2023 u nderua në të njëjtin event me çmimin ‘Rising Star’, do të shkruajë historinë si artistja e tretë që fiton të dy çmimet, duke ndjekur gjurmët e Lady Gaga dhe Ariana Grande.
Ceremonia do të zhvillohet të shtunën, më 29 mars në Teatrin YouTube në Hollywood Park në Los Angeles, me aktoren Laverne Cox si prezantuese.
“Pasi u emërua një Yll në ngritje 2023, Doechii shpejt fitoi njohje në industrinë e muzikës për krijimtarinë e saj të guximshme dhe talentin mbresëlënës”, tha drejtoresha editoriale e Billboard, Hannah Karp.
“Tingulli i saj, i cili ndërthur zhanre të ndryshme muzikore, ripërcakton konceptin e avangardës në skenën muzikore”, shtoi ajo.
Vlen të theksohet se Doechii është reperi i dytë që merr këtë çmim të rëndësishëm, i cili u jepet artisteve femra më me ndikim dhe inovativ, pas Cardi B, e cila e fitoi çmimin në vitin 2020.
