Shqipëria dhe Maqedonia e Veriut do të përfitojnë parafinancim në kuadër të Planit të Rritjes së BE-së për të vijuar rrugën drejt integrimit në Bashkimin Evropian.
“Urime për Maqedoninë e Veriut dhe Shqipërinë për vendosjen e ritmit në Ballkanin Perëndimor për të marrë parafinancim në kuadër të Planit të Rritjes së BE-së! Kjo duhet të nxisë zbatimin e reformave kyçe për të nxitur rritjen, përmirësuar jetën e qytetarëve dhe afruar vendet më shumë me BE-në”, ka shkruar Kos.
Shqipëria do të përfitojë 922 milionë euro kredi dhe grante deri në vitin 2027 nga Bashkimi Europian në kuadër të Planit të Rritjes për Ballkanin Perëndimor.
E ndarë në sektorë të veçantë, pjesa më e madhe e fondeve shkojnë për reformat në drejtësi, afërsisht 267.7 milionë euro.
Përmirësimi i klimës së biznesit po ashtu merr një rëndësi të veçantë sa i takon fondeve grant dhe kredi, në një vlerë prej 209 milionë euro.
Sektori i energjisë dhe tranzicioni i gjelbër kanë marrë një rëndësi të veçantë për Bashkimin Europian, fushë në të cilën do të shpenzohen për 3 vite afërsisht 127.8 milionë euro. Po ashtu për zhvillimin e teknologjisë do të shkojnë afërsisht 127.8 milionë euro.
Marrë nga Top Channel
