Shtëpia e Bardhë publikoi këtë të martë detaje nga bisedimet mes Shteteve të Bashkuara të Amerikës dhe Rusisë, që u mbajtën në Riad të Arabisë Saudite, nga data 23 mars.
Nga ana tjetër, Shtetet e Bashkuara njoftojnë se Rusia dhe Ukraina kanë arritur një marrëveshje për të garantuar lundrim të sigurt në Detin e Zi, për të ndaluar përdorimin e forcës dhe për të parandaluar shfrytëzimin e anijeve tregtare për qëllime ushtarake. Shtetet e Bashkuara do të ndihmojnë në rivendosjen e aksesit të Rusisë në tregun botëror për eksportet bujqësore dhe të plehrave, uljen e kostove të sigurimit detar dhe rritjen e aksesit në portet dhe sistemet e pagesave për transaksione të tilla.
Për këtë qëllim, njofton Shtëpia e Bardhë, Shtetet e Bashkuara do të vazhdojnë të lehtësojnë negociatat midis të dyja palëve për të arritur një zgjidhje paqësore, në përputhje me marrëveshjet e bëra në Riad.
Marrë nga Associated Press
