Verdikti i plotë i një gjykate në Paris u miratua dhe Marine Le Pen është dënuar me pesë vjet ndalim për të kandiduar për poste publike, me efekt të menjëhershëm – duke e përjashtuar atë nga gara presidenciale e vitit 2027.
Gjykatësit gjithashtu ia dhanë asaj një dënim me katër vjet burgim – nga të cilat dy vjet me kusht – dhe një gjobë prej 100,000 eurosh.
Ajo është pothuajse e sigurt se do të apelojë dhe dënimi me burg dhe gjoba nuk do të zbatohen derisa apelimet e saj të shqyrtohen.
Kjo e ndërlikon jashtëzakonisht të ardhmën e saj politike dhe është, siç e quajti Guardian “një moment i madh në politikën franceze”.
Kryetarja e trupit gjykues Bénédicte de Perthuis e shpjegoi vendimin, pak a shumë kështu: “Gjykata mori në konsideratë, përveç rrezikut të kryerjes së një vepre penale, edhe shqetësimin e madh të rendit publik nëse një person i dënuar tashmë… do të ishte kandidate në zgjedhjet presidenciale”.
Marrë nga The Guardian
