Japonia doli të martën si ekonomia e parë e madhe që siguroi negociatat për tarifat prioritare me Donald Trump, duke theksuar statusin e saj si kreditori dhe investitori më i madh i Uashingtonit dhe duke shkaktuar një rritje prej 7 për qind të aksioneve të listuara në Tokio.
Rritja e tregut të aksioneve, që thuajse përmbysi kolapsin e gjerë të aksioneve japoneze të së hënës, pasoi një bisedë 25-minutëshe midis presidentit të SHBA-së dhe kryeministrit të Japonisë Shigeru Ishiba, në të cilën krerët ranë dakord të hapnin negociatat.
Pas telefonatës, Trump postoi në platformën e tij “Truth Social” se Japonia e kishte trajtuar “shumë keq” SHBA-në në tregti.
“Ata nuk i marrin makinat tona, por ne marrim MILIONA makina të tyre. Po kështu Bujqësia dhe shumë gjëra të tjera. Gjithçka duhet të ndryshojë, por veçanërisht me KINËN!!!”
Ishiba emëroi ministrin e Rigjallërimit Ekonomik Ryosei Akazawa si kryenegociatorin e Japonisë për bisedimet, të cilat zyrtarët në Tokio presin të fillojnë “shumë shpejt”, duke pasqyruar reflektuar nevojën e vendit për të mbrojtur industrinë e tij të automobilave, mbi të cilën është ndërtuar një pjesë e konsiderueshme e ekonomisë.
Pala amerikane do drejtohet nga sekretari i Thesarit Scott Bessent, së bashku me përfaqësuesin e tregtisë së SHBA, Jamieson Greer. Bessent tha në Fox News të hënën se ai “do priste që Japonia të kishte përparësi pasi ata zunë radhët të parët “.
Akazaëa u tha gazetarëve të martën se roli i Bessent si kreu i delegacionit amerikan sugjeroi që Shtëpia e Bardhë “ka një interes të fortë në fushat që ai mbikëqyr”.
Këto komente shkaktuan spekulime midis investitorëve se përveç tarifave, negociatat do përqendroheshin edhe në kursin e këmbimit dollar-jen, i cili është shfaqur si një burim grindjesh për administratën Trump.
Japonia, e cila e konsideron veten aleatin më të afërt të Uashingtonit në Azi, u habit javën e kaluar nga njoftimi i Trump për një tarifë prej 24 për qind mbi importet e saj, si shtesë e taksës prej 25 për qind për automjetet. Ishiba i ka quajtur masat një “krizë kombëtare” për Japoninë.
Analistët paralajmëruan se barra tarifore do të ishte katastrofike për Japoninë, e cila megjithë investimet afatgjata në prodhimin me bazë në SHBA, përfiton shumë nga eksportet dhe mbështetet në tregtinë relativisht të ulët.
Ishiba i kujtoi Trump të hënën statusin e vendit të tij si investitori më i madh i huaj në SHBA dhe paralajmëroi se fluksi i investimeve të korporatave ishte në rrezik nga taksat e kërcënuara.
Takeshi Yamaguchi, ekonomist japonez në Morgan Stanley MUFG Securities, tha se tensionet SHBA-Kinë mund të shërbejnë si një erë e dytë për negociatat SHBA-Japoni.
“Japonia do duhet të propozojë një paketë për të zvogëluar v deficitin duke qenë se administrata e SHBA-së e sheh atë si një problem,” tha Yamaguchi. Ai sugjeroi mundësi të tilla si rritja e importeve të produkteve bujqësore të SHBA-së, pajisjeve të mbrojtjes dhe energjisë, si edhe një zotim për të bashkërenduar me SHBA-në në rast të zhvlerësimit të tepërt të jenit.
Në një sinjal të mëtejshëm të hapjes së SHBA-së, Trump të hënën urdhëroi një rishikim të ri të sigurisë kombëtare të blerjes së propozuar prej 15 miliardë dollarësh nga Nippon Steel të US Steel me bazë në Pensilvani. Rishikimi, i cili do udhëhiqet nga Departamenti i Thesarit, do t’i japë një rekomandim Trump-it brenda 45 ditëve.
Joe Biden kishte bllokuar marrjen e kontrollit në janar në një nga aktet e tij përfundimtare në detyrë. Trump kishte sinjalizuar gjithashtu kundërsht zimin për marrjen e plotë të pushtetit.
Por drejtuesit e Nippon Steel kanë negociuar me Sekretarin amerikan të Tregtisë, Howard Lutnick, mbi kornizën dhe kushtet e një marrëveshjeje në të cilën grupi japonez do merrte shumicën e aksioneve në prodhuesin amerikan të çelikut, sipas dy personave të njohur me këtë çështje.
Aksionet e Nippon Steel u rritën deri në 10.5 për qind në tregtimin e mëngjesit të martën.
Në një deklaratë, kompania tha se “pret me padurim një zgjidhje në kohë në mënyrë që ne të mund të fillojmë të bëjmë investimet tona të planifikuara që do e pozicionojnë US Steel si një prodhues kryesor global të çelikut”.
Marrë nga Financial Times
