Kryetari i Komisionit Qëndror të Zgjedhjeve Ilirjan Celibashi ka deklaruar ditën e sotme se deri më tani kanë votuar 111 persona nga diaspora. Me anë të një deklarate për mediat, Celibashi theksoi se deri më tani procesi i votimit ka vijuar pa probleme, ndërkohë që ka theksuar se votuesi i parë ishte një emigrant në Gjermani.
Në lidhje me votat e deritanishme, Celibashi theksoi se 111 zarfet janë tërhequr nga posta DHL. Celibashi gjithashtu ka deklaruar se deri më tani janë dërguar rreth 90 mijë zarfe ose 36.3% e numrit zyrtar të zgjedhësve nga jashtë. Më tej ai theksoi se deri më tani procesi i votimit ka vijuar pa probleme, ndërkohë që ka theksuar se votuesi i parë ishte një emigrant në Gjermani.
Celibashi në fund të fjalës së tij theksoi se synohet që i gjithë procesi të përfundojë brenda 2 ditëve. Gjithashtu tha se brenda javës synojnë përfundimin e dërgimit të zarfeve te votuesit.
Ndër të tjera ai theksoi se pasi të përfundojë votimit, zarfet me vota do të shkojnë direkt në parkun Olimpik. Po ashtu Celibashi ka deklaruar se KQZ garanton 100% ruajtjen e fshehtësisë për fletat e votimit. Celibashi theksoi se nëse votuesit duan që ta shesin votën ose ta tregojnë, kjo është çështje që dënohet penalisht. Sipas tij, një fenomen i tillë shoqërohet me sanksione penale të rënda dhe deri në 5 vite burg.
Marrë nga Dosja.al
