Përpara fillimit të konklavës për zgjedhjet papnore (7 maj), kardinali problematik italian Angelo Becciu (76 vjeç) është tërhequr nga gara. Ai nuk do të jetë i pranishëm kur të zgjidhet pasardhësi i të ndjerit, Papa Françeskut.
Në një deklaratë të publikuar të martën, përmes avokatëve të tij, Becciu shpjegoi vendimin e tij: “Meqenëse më intereson e mira e Kishës, të cilës i kam shërbyer dhe do të vazhdoj t’i shërbej me besnikëri dhe dashuri, dhe për të kontribuar në unitetin dhe qetësinë e konklavës, kam vendosur, siç kam bërë gjithmonë, t’i bindem vullnetit të Papa Françeskut për të mos marrë pjesë në konklavë, ndërsa jam i bindur për pafajësinë time”.
Megjithatë, zyrtarisht, Becciu nuk u përjashtua kurrë nga e drejta e votës – dhe për këtë arsye këmbënguli në pjesëmarrjen e tij deri në fund. Pavarësisht dënimit të tij në shkallën e parë nga një gjykatës i Vatikanit me pesë vite e gjysmë burg.
Pak para tërheqjes së tij, Becciu shprehu besimin e tij: “Nuk kishte as një vullnet të qartë për të më përjashtuar nga konklava, dhe as nuk më është kërkuar me shkrim të heq dorë nga e drejta ime për të votuar”. Më vonë ai shtoi: “Është e padrejtë të më përjashtojnë!”
Marrë nga BILD.de
