Vatrat e zjarrit në Gjirokastër, Finiq dhe Delvinë prej disa ditësh kanë djegur dhe shkrumbuar sipërfaqe të mëdha toke me pemtari dhe ullinj.
Mali i Sopotit thuajse është shkrumbuar nga zjarret e ditëve të fundit ndërsa një vatër ende aktive është ajo në Bashkinë e Finiqit, në fshatin Kokodhiq, shumë pranë qytetit të Delvinës të cilin e ka mbuluar tymi.
Vatra aktive është qindra metra e gjatë dhe ndodhet 1 km mbi fshatin Kalodhiq ndërsa era e fortë gjatë pasdites e ka nxjerr nga kontrolli duke u dashur ndihma nga ajri e dy helikopterëve dhe nga toka 9 zjarrëfikëse nga Delvina, Finiqi, Konispoli, Saranda, Fieri dhe Berati.
Prej dy ditësh vatrat e zjarrit u shfaqën ne malin e Sopotit të favorizuara nga temperaturat e larta, era e fortë dhe terreni i vështirë. 24 orët e para ishte e vështirë vënia nën kontrroll e zjarrit nga toka pasi mjetet e zjarrëfikseve nuk ngjiteshin dot për shkak të terrenit, ndërsa luftës kundër flakëve ju bashkuan me mjetet rrethanore të banorëve.
