Gjashtë akuza të tjera janë ngritur ndaj kryetarit të Bashkisë së Tiranës, Erion Veliajt dhe bashkëshkortes së tij Ajola Xoxës.
Sipas njoftimit të Prokurorisë së Posaçme mësohet se të dy janë të akuzuar për fshehjen ose deklarimin e rremë të pasurive.
“Pas kryerjes së veprimeve hetimore në kuadër të këtij procedimi penal, Prokuroria e Posaçme ka arritur në konkluzionin se ekzistojnë të dhëna konkrete që të çojnë në dyshimin e arsyeshëm se shtetasit nën hetim E. V. dhe A. X. kanë konsumuar edhe elementët e veprës penale të “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, shkruan SPAK.
Gjithashtu, sipas hetimeve mësohet se apartamenti që aktualisht jetojnë së bashku me objektin shtesë që ata kanë ndërtuar në vitin 2021, rezulton të jetë regjistruar në emrin e shtetasit A. K, duke caktuar kështu sekuestrimin e menjëhershëm të objektit te Kodra e Diellit.
Marrë nga Newsbiomb.al
