Afati i regjistrimit në çerdhe dhe kopshte, proces i cili ofrohet në faqen online të Bashkisë së Tiranës, është shtyrë për shkak të sulmit nga hakerat iranianë. Bëhet me dije se afati është shtyrë deri më datë 30 qershor.
Sipas asaj që bën me dije Bashkia, platforma online vijon të mos jetë funksionale dhe për këtë arsye regjistrimi në kopshte e çerdhe do të bëhet fizikisht.
Kjo është hera e dytë që shtyhet afati i regjistrimit online, që prej sulmit të 20 qershorit, ku faqja zyrtare e Bashkisë së Tiranës, Tirana.al, u hakerua dhe doli jashtë funksionit.
Ky sulm “paralizon” kështu punën në këtë institucion si dhe regjistrimin e fëmijëve në kopshte dhe çerdhe.
Sulmi i grupit iranian “Homeland Justice”, vjen në një kohë kur kryebashkiaku i Tiranës, Erion Veliaj ndodhet në qeli dhe ky institucion është duke u drejtuar përkohësisht nga kryetarja e komanduar, Anuela Ristani.
Marrë nga Newsbomb.al
