E hëna, një mbrëmje e hidhur për Kylian Mbappén. Ndërsa është e vërtetë që ai arriti performancën e tij më të mirë në “Topin e Artë” duke përfunduar i dyti, zbulimet nga Vincent Garcia, kryeredaktor i France Football, me siguri do t’i krijojne atij disa keqardhje.
Duke folur për La Chaîne L’Equipe, ai zbuloi se kapiteni francez kishte qenë prej kohësh në krye të garës për të fituar trofeun: “I ndiqja rezultatet në kohë reale gjatë muajit të votimit. Kylian udhëhoqi garën për një kohë të gjatë, por Harry Kane u rikthye në garë dhe në fund, kaloi përpara me një numër shumë, shumë të vogël pikësh “, tha ai.
Një diferencë edhe më e vogël se ajo midis Rodrit dhe Viniciusit
Ai vazhdoi më pas: “Këtë vit, kishte disa pretendentë seriozë. Dy më të afërtit ishin dy të parët, Harry Kane dhe Kylian Mbappé, dhe gara midis tyre ishte shumë e ngushtë. Diferenca e pikëve midis Kane dhe Mbappé ishte më e vogël se diferenca midis Rodri dhe Vinícius Júnior në vitin 2024, e cila ishte 41 pikë.”
“Ishte një diferencë shumë e ngushtë. Ishte tepër afër rezultatit midis Harry Kane dhe Kylian Mbappé në betejën për vendin e parë këtë vit”, zbuloi ai. Por në fund, ishte sulmuesi i Bayern Munich ai që triumfoi, në shtëpi në Londër.
Si kujtesë, ai është lojtari i parë anglez që fiton çmimin prestigjioz që nga Michael Owen në vitin 2001. Përveç kësaj, ai është lojtari i parë i huaj që luan për Bayernin që fiton titullin, ndërsa Rekordmeister nuk ishte kurorëzuar kampion që nga Karl-Heinz Rummenigge në vitin 1981.
Marrë nga France Football
