Ish-kancelarja gjermane Angela Merkel ka kritikuar qasjen proteksioniste të presidentit amerikan Donald Trump, duke e konsideruar një nga sfidat kryesore për Bashkimin Evropian në arenën ndërkombëtare.
Në një simpozium në Berlin të organizuar nga Fondacioni Konrad Adenauer, Merkel theksoi se BE duhet të qëndrojë e bashkuar përballë krizave globale, përfshirë politikën e jashtme të SHBA-së gjatë presidencës Trump.
“Kur shohim si po përballemi me Rusinë, me Kinën, apo me ide të ndryshme nga miqtë tanë në SHBA dhe tendencën në rritje për proteksionizëm të Trump mendoj: çfarë mund të arrijë një shtet i vetëm i BE-së?. Gjermania vazhdon të jetë ekonomia më e madhe e Evropës, por është krejtësisht e vetme në fushë të hapur dhe pa mbështetjen e një Evrope të bashkuar, vështirë se mund të bëjë diferencën”, tha Merkel.
Merkel paralajmëroi se BE-ja rrezikon të bëhet e paaftë për veprim nëse nuk gjen balancën e duhur ndërmjet rregullimit dhe efikasitetit institucional.
Ajo i cilësoi reformat si të domosdoshme, por theksoi se nuk duhet të paralizojnë vendimmarrjen.
Marrë nga TCH
