Një ndër konkurrentët kryesorë të Kinës në luftën e chip-ave ka ndërtuar një qendër për kërkimin dhe zhvillimin e chip-ave në Shangai, ndërkohë që përballet me presionet e sanksioneve amerikane, që synojnë të frenojnë përpjekjet e saj teknologjike të avancuara.
Qendra për kërkim dhe zhvillim Huawei Lianqiu Lake pritet të fillojë punën këtë vit, me një kosto totale investimi më shumë se 10 miliardë juan, ose 1.4 miliardë dollarë, sipas një deklarate të qeverisë së qarkut të Qingpu.
Në deklaratë thuhet më tej se qendra për kërkim dhe zhvillim do të ndihmojë gjigantin teknologjik kinez të “bëjë përparime më të mëdha në fusha teknologjike kyçe si 5G, cloud computing dhe Inteligjenca Artificiale”
Në janar, e përditshmja shtetërore Securities Times pati shkruar se qendra do të ketë thuajse 30 mijë të punësuar, dhe do të merret me kërkim dhe zhvillim chip-ash, rrjete wireless dhe internet.
Huawei është në listën e zezë tregtare të SHBA-së që nga viti 2019 dhe që nga maji janë anuluar licencat speciale të dhëna për prodhuesit amerikanë të chip-ave Intel e Qualcomm, që u lejonin t’u shisnin kompanive kineze chip-a të përfshirë në listën e zezë.
Megjithatë, Huawei ka pasur një rimëkëmbje në Kinë falë smartphone të Mate 60 Pro, me chip Kirin 9000s.
Procesori, që përdor një teknologji përpunimi të avancuar në 7 nanometër – i konsideruar një goditje për sanksionet amerikane – është realizuar nga prodhuesi kryesor i chip-ave kinezë, Semiconductor Manufacturing International Corp. (SMIC).
Megjithatë, Bloomberg tha në mars se kompanitë kanë përdorur teknologjinë e Applied Materials Inc. e Lam Research Corp. me seli në Shtetet e Bashkuara, për të prodhuar chip-a.
Sipas asaj që thuhet, SMIC e zotëronte teknologjinë amerikane para se, në tetor 2022, kompanive amerikane t’u ndalohej furnizimi i kompanive kineze me chip-a të avancuar dhe pajisje për prodhimin e chip-ave.
Në prill, sekretari i Tregtisë i Shteteve të Bashkuara, Gina Raimondo, deklaroi se chip-at për smartphone të Huawei “nuk ishin aq i mirë” dhe janë “vite mbrapa të atyre që kemi në Shtetet e Bashkuara” – një tregues që kontrollet tek eksportet amerikane janë efikase
Ndërkohë, sipas asaj që thuhet, Huawei po përballet me vështirësi në rritjen e prodhimit të chip-it të tij – Ascend 910B – alternativa më e mirë ndaj chip-ave Nvidia, që nuk mund t’u shiten klientëve kinezë – për shkak të prishjes së komponentëve të makinerive për prodhimin e chip-ave të ripërdorur.
