Kryeministri i sapoemëruar i Francës, Sébastien Lecornu, dha dorëheqjen këtë të hënë, vetëm disa orë pasi kishte shpallur përbërjen e kabinetit të tij të ri.
Vendimi i tij i papritur erdhi pas kërcënimeve nga aleatë dhe kundërshtarë politikë për të rrëzuar qeverinë e tij. Dorëheqja shënon një tjetër thellim të krizës së rëndë politike që ka përfshirë Francën.
Lecornu, një aleat i ngushtë i Presidentit Emmanuel Macron, pas disa javësh konsultimesh me partitë politike në të gjitha nivelet, kishte shpallur të dielën ministrat e kabinetit të tij. Ai kishte planifikuar të mbante mbledhjen e parë të qeverisë këtë të hënë.
Megjithatë, përbërja e re e kabinetit kishte zemëruar kundërshtarët dhe aleatët, të cilët ose e gjetën atë shumë të djathtë ose jo të mjaftueshëm. Ata ngritur pyetje se sa gjatë mund të zgjasë, në një kohë kur Franca është tashmë e zhytur në një krizë të thellë politike, pa asnjë grup që mban shumicën në një parlament të fragmentuar.
Lecornu ia dorëzoi dorëheqjen e tij Macronit mëngjesin e sotëm.
Marrë nga AFP
