Vitet e fundit, pagat e mësuesve të përshtatura me inflacionin kanë shënuar rënie në shumë vende të Evropës.
Rekrutimi i mësuesve të shkollave të mesme në Angli gjatë vitit 2023/24 arriti vetëm gjysmën e objektivit të vendosur, sipas raportit të Fondacionit Kombëtar për Kërkime Arsimore (NFER).
Megjithatë, mësimdhënia u rendit si profesioni më i kërkuar në Mbretërinë e Bashkuar për vitin 2025, në njoftimet e punësimit Indeed. Mungesa e mësuesve është gjithashtu një fenomen i përhapur në të gjithë Bashkimin Evropian (BE).
Sipas raportimit të OECD-së, “Arsimi në një Vështrim 2024”, nga 22 vende dhe rajone, pagat reale të mësuesve të arsimit të ulët ranë në 10 prej tyre gjatë periudhës 2015–2023, me disa që përjetuan ulje të ndjeshme.
Rënia e madhe u regjistrua në Luksemburg me 11%, i ndjekur në Greqi me një rënie prej 9% dhe Irlanda, Finlanda dhe Italia të gjitha me 6%. Pagat ranë gjithashtu me 5% në Angli, 4% në Portugali dhe 3% në Hungari midis vite 2015dhe 2023.
Në përgjithësi, pagat e mësuesve në vendet e BE-së u rritën me 4%, megjithatë u ulë në disa nga ekonomitë kryesore, si Spanja (2%), Gjermania dhe Italia (1% secila).
Ndërsa Turqia shënoi rritjen më të lartë të pagave të mësuesve me 31%, e ndjekur nga Çekia me 16% dhe Skocia me 12%, të vetmet rajone me rritje mbi 10%.
Një trend i ngjashëm u vu re edhe gjatë periudhës 2013-2023, ku Greqia kryeson listën për rënien më të madhe me 12%, e ndjekur nga Luksemburgu (10%) dhe Irlanda, Finlanda dhe Italia (7%).Në Angli, pagat e mësuesve ranë gjithashtu me 5% në terma realë.
Ndërsa një rast i veçantë është Hungaria, ku pagat e mësuesve u rritën me gati 50% në vitin 2014 krahësuar me vitin 2013, të llogaritura në dollarë amerikanë. Kjo rritje e ndjeshme ndikon ndjeshëm në analizat shumëvjeçare.
Mgjithatë, pagat ranë me 3% në Hungari në periudhën 2015-2023, rritja e përgjithshme nga 2013 deri në vitin 2023 ishte një 45%. Kjo e vendos Hungarinë në krye të listës për rritjet më të mëdha të pagave gjatë kësaj periudhe, e ndjekur nga Turqia me 37%.
Ndërsa, Çekia dhe Sllovakia përjetuan rritje të dukshme prej 18% gjatë 10 viteve të fundit, e ndjekur nga Skocia me një rritje prej 11%. Ndër ekonomitë më të mëdha të BE-së, Gjermania raportoi rritjen më të lartë me 7%, e ndjekur nga Franca me 4% gjatë së njëjtës periudhë.
Marrë nga Newsbomb.al
