Forcat speciale RENEA kanë mbërritur paraditen e sotme në fshatin Orosh të Pukës, ku prej orëve të hershme policia lokale ka izoluar një banesë të braktisur, pasi dyshohet se brenda saj po fshihen dy persona të armatosur.
Sipas burimeve për mediat, shtëpia është në pronësi të Mehill Jakut dhe dyshohet se një nga të strehuarit është nipi i tij.
Të dy personat mendohet se kanë qëndruar aty prej më shumë se një muaji, por ende nuk janë konfirmuar identitetet e tyre.
Megjithëse policia ka bërë disa herë thirrje për dorëzim, nuk është marrë asnjë përgjigje, duke bërë që operacioni të vijojë nën masa të rrepta sigurie.
Marrë nga Dosja.al
