Kanali i Ibër-Lepencit në Zubin Potok, nga i cili furnizohet me ujë Kosova, është dëmtuar pjesërisht. Sipas Policisë, persona të paidentifikuar e kanë dëmtuar me mjete të forta, gjatë tre ditëve të fundit.
“Është raportuar se persona të panjohur me mjete të forta kanë dëmtuar një pjesë të kanalit të Ibër-Lepencit (bajpas-it)”, njoftoi Policia e Kosovës.
Ky rast i përsëritur vjen pa u bërë ende një vit kur strukturat kriminale serbe dhe terroristët me lidhje politike direkte në Beograd, kanë hedhur në erë me sasi të mëdha eksplozivi kanalin e Ibër Lepencit.
Dëmtimet në rrjet ishin të mëdha, pasi nga kanali kryesor i Ibër Lepencit furnizohen me ujë disa qytete në Kosovë si dhe KEK-u, për ftohjen e termoelektranave dhe prodhimin e energjisë elektrike. Në atë kohë, rasti u dënua fort edhe nga ndërkombëtarët.
Marrë nga Kosovapress.com
