Një organizatë e lidhur me George Sorosin dyshohet se është përgjegjëse për financimin e strehimit të refugjatit afgan, përgjegjës për sulmin terrorist të së mërkurës në Uashington D.C. ndaj ushtarëve të Gardës Kombëtare.
Agresori në incidentin e së mërkurës është identifikuar si Rahmanullah Lakanwal, një refugjat afgan që hyri në SHBA pas tërheqjes katastrofike të administratës Biden nga Afganistani.
Sipas ‘The New York Times’, Lakanwal jeton në Bellingham, Uashington, ku në një moment ai dhe familja e tij kishin marrë me qira një pronë nga një grua e quajtur Kristina Widman.
“Widman tha në një intervistë se qiraja ishte organizuar përmes ‘World Relief’, një organizatë që ndihmon në ri-integrimin e refugjatëve, dhe se ajo kishte pasur kontakt të kufizuar me familjen,” shpjegon ‘Times’. “Ata nuk jetojnë më në pronë prej më shumë se një viti,” tha ajo.
Këtu gjërat bëhen interesante, sepse sipas ‘Capstone Report’, ‘World Relief’ është e lidhur drejtpërdrejt me Sorosin.
Në vitin 2019, ‘Capstone Report’ publikoi një raport mbi një grup grash të quajtur WELCOME, i cili promovonte “pjesëmarrjen ungjillore në çështjet e emigracionit”.
“Faqja e saj e internetit është welcomeimmigrants.org,” shkruhej në raport. “Të dhënat e regjistrimit të saj tregojnë ‘World Relief’ si kontakt administrativ, dhe një adresë emaili të lidhur me ‘National Immigration Forum’.”
Sipas ‘Capstone Report’, ‘National Immigration’ Forum u themelua nga askush tjetër përveç Sorosit, një miliarder i majtë me prirje për të përdorur shumat e mëdha të parave të tij për të ndërhyrë në politikën dhe kulturën amerikane në një mënyrë mjaft negative.
Për më tepër, raportohet se drejtuesi i ‘World Relief’ filloi karrierën e tij burokratike në USAID, një agjenci e korruptuar që më pas është reduktuar thuajse në zero nga administrata Trump.
E gjithë kjo ndodh disa muaj pas që administratori i ‘Small Business Administration’ (SBA), Kelly Loeffler, nisi një auditim të të gjithë zyrtarëve të kontraktimeve qeveritare pas një skandali të atëhershëm të USAID.
Marrë nga Bizpac Review
