Kontraktorë të kompanive amerikane të industrisë së mbrojtjes trajnuan javën e kaluar ushtrinë shqiptare në përdorimin e teknologjisë kundër sistemeve ajrore pa pilot.
Në një postim në rrjetet sociale, Ambasada e Shteteve të Bashkuara në Tiranë bëri të ditur se ky trajnim zhvillohet në kuadër të Partneritetit Shtetëror mes Shqipërisë dhe Gardës Kombëtare të Nju-Xhersit. Ambasada thekson se këto armë amerikane të avancuara kundër dronëve rrisin ndjeshëm kapacitetet mbrojtëse të Shqipërisë dhe përforcojnë misionin e NATO-s për garantimin e sigurisë kolektive.
“Dronët nuk përbëjnë sfidë për Aleatët e NATO-s!”, thuhet në njoftim, ku shtohet se trajnimi i realizuar nga kontraktorët amerikanë i mundëson ushtrisë shqiptare përdorimin e teknologjive moderne kundër mjeteve fluturuese pa pilot, të siguruara përmes Programit të Partneritetit Shtetëror me Gardën Kombëtare të New Jersey.
Këto sisteme të avancuara kundër dronëve jo vetëm forcojnë mbrojtjen e Shqipërisë, por edhe kontribuojnë në misionin e NATO-s për të ruajtur sigurinë e përbashkët.
Marrë nga Skyweb.al
