Konfirmimi erdhi nga Vin Diesel, fytyra simbol e sagës “Fast & Furious”, i cili njoftoi hyrjen e kampionit portugez në kastin e kapitullit të 11-të.
“Të gjithë më pyesnin nëse mund të hynte në mitologjinë e ‘Fast & Furious’… Duhet të them që është një personazh real. Kemi shkruar një rol për të…”, – konfirmoi Diesel në “Instagram”.
Ronaldo është gati të kalojë nga dritat e stadiumeve tek ato të seteve kinematografike. Lajmi, i përhapur shpejt në mediat ndërkombëtare, ka ndezur entuziazmin e tifozëve. Nga njëra anë Ronaldo, sportist rekordesh, sipërmarrës dhe figurë mediatike me qindra miliona ndjekës.
Nga ana tjetër “Fast & Furious”, një nga sagat më fitimprurëse të historisë, simbol i shpejtësisë, aksionit dhe spektaklit. Vin Diesel ka menduar për të një personazh “me masë”: karizmatik, fizik dhe i lidhur me skena aksioni me intensitet të lartë. Detajet e rolit mbeten sekret.
Marrë nga Alsat.mk
