Seanca plenare, është mbledhur sot në Kuvend për të ratifikuar projektligjin për anëtarësimin e Shqipërisë në ‘Bordin e Paqes’.
Në nisje të seancës plenare, kreu i Grupit Parlamentar të PS-së Taulant Balla ka deklaruar se ftesa për Bordin e Paqes nga Presidenti Donald Trump është historike.
Gjatë fjalës së tij në Kuvend, Balla u shpreh se ky është një moment historik që vlerëson rolin e Shqipërisë në vendosjen e paqes kudo ku ka konflikte.
Ndërsa Gazment Bardhi deklaroi se opozita është kundër shqyrtimit të përshpejtuar të projektligjit për ratifikimin e ‘Bordit të Paqes’ duke e cilësuar këtë proces si një tjetër shkelje flagrante të rregullave themelore të shtetit të së drejtës.
Në votim kërkesa e grupit parlamentar të PS për shqyrtimin me procedurë të përshpejtuar për ftesën e Trump për pjesëmarrjen e Shqipërisë në Bordin e Paqes u miratua me 80 vota pro dhe 22 kundër.
Ndërkohë Peleshi, ka shtyrë seancën duke thënë se duhet që të mblidhet Komisioni për Europën dhe Punët e Jashtme, para se projektligji të kalojë sërish në seancë.
Marrë nga Dosja.al
