Belinda Balluku, zv.kryeministre dhe ministre e Infrastrukturës dhe Energjisë, ka depozituar rekurs në Gjykatën e Lartë ku kundërshton ndalimin e udhëtimeve jashtë vendit, pasi me vendim të GJKKO pasaporta e saj është e bllokuar.
Lidhur me masën e pezullimit nga ushtrimi i detyrës, Balluku nuk ka ngritur pretendime duke qenë se Apeli e ka pezulluar deri në vendimin e Gjykatës Kushtetuese.
GJKKO arsyetoi se vendimi për masat erdhi pasi Balluku mund të prishë provat dhe të intimidojë dëshmitarët, në sajë të detyrës që mban.
Nga ana tjetër SPAK ka dorëzuar në Kuvend kërkesën për heqjen e imunitetit të Ballukut, duke i hapur rrugë edhe arrestimit të saj.
Marrë nga Zëri.al
