Çmimet e naftës ranë më shumë se 3% në tregtimin e hershëm aziatik, pasi Presidenti i SHBA-së Donald Trump tha se ishte i hapur për një marrëveshje me Iranin, i cili ka kërcënuar vazhdimisht me veprime ushtarake. Sipas mediave, nafta e papërpunuar amerikane West Texas Intermediate (WTI) ra me 3.4% në 62.99 dollarë për fuçi,ndërsa nafta e papërpunuar Brent ra me 3.2% në 67.09 dollarë pas komenteve të presidentit të SHBA-së.
Të dielën, Presidenti Trump tha se shpresonte të arrinte një marrëveshje me Iranin, disa orë pasi Udhëheqësi Suprem i Iranit, Ajatollah Ali Khamenei, paralajmëroi se çdo sulm i SHBA-së ndaj Republikës Islamike do të shkaktonte një luftë rajonale.
“Shpresoj se mund të bëjmë një marrëveshje. Nëse nuk bëjmë një marrëveshje, do të shohim nëse (Khamenei) ka të drejtë apo jo. Ne kemi anijet më të mëdha dhe më të fuqishme në botë atje.”, tha ai në përgjigje të komenteve të Khameneit.
Marrë nga Protothema.gr
