Pesë persona u vranë në një sulm me thikë të martën, pranë Tacoma-s, Washington, rreth një orë larg Seattle-it. Mediat e huaja shkruajnë se autori i ngjarjes ishte një 32-vjeçar, i cili u vra nga të shtënat me armë zjarri të policisë.
Sipas autoriteteve lokale, dëshmitarët raportuan në orën 9:30 të mëngjesit se një burrë po qëllonte me thikë njerëz jashtë një banese. Në të njëjtën kohë, oficerët po shkonin në vendngjarje, pasi ishin informuar për praninë e një personi që dyshohet se kishte shkelur masat mbrojtëse në zonë.
Zyra e Sherifit të Qarkut Pierce tha se katër persona kanë vdekur menjëherë nga sulmi. Ndërkohë që një viktimë e pestë më vonë ndërroi jetë nga plagët e marra. Ende nuk janë publikuar detaje rreth viktimave, ndërsa autoritetet kanë publikuar vetëm moshën e sulmuesit të dyshuar.
Sipas mediave lokale, një grua 52-vjeçare dhe djali i saj 32-vjeçar janë të listuar si banorë të shtëpisë ku ndodhi sulmi. Të dy jetuan atje së bashku deri në majin e kaluar, kur një gjykatë e Qarkut Pierce urdhëroi djalin të lironte banesën dhe të qëndronte larg nënës së tij për një vit. Nëna kishte paraqitur dy kërkesa të ndara në Qarkun Pierce për urdhra mbrojtës kundër djalit të saj që nga viti 2020.
Marrë nga NBC News
