Banorët e Rrjollit e kanë zhvendosur protestën e tyre para ambienteve të Prokurorisë së Posaçme kundër Korrupsionit dhe Krimit të Organizuar.
Mëngjesin e kësaj të mërkure, dhjetëra banorë të cilët prej javësh janë duke kundërshtuar ndërtimin e resortit në tokën e tyre, janë mbledhur para ambienteve të Strukturës së Posaçme me banera nëpër duar dhe dokumentat e pronës që ata disponojnë.
Madje ata nuk kanë kursyer as sulmet ndaj godinës së SPAK. Siç shihet dhe në videon e mëposhtme, banorët e revoltuar dhe të “etur” për drejtësi kanë qëlluar me vezë godinën e Prokurorisë së Posaçme.
“Kriminelat. Kjo është një padrejtësi më e madhe. Menduam se do kishim demokraci, sakrifikuam jetët tona, rininë tonë dhe tani në pleqëri na i vodhën, na i vodhën pronën dhe pensionet”, u shpreh një prej protestuesve.
Marrë nga Newsbomb.al
